اعتقد ان بجد اصعب موقف ممكن الواحد مننا يواجهه هو لحظة لما كل حاجه حلوة
مع حبيبك بتتدمر وخلاص وصلتوا لمنعطف صعب كل حاجه تفضل زي ما هي
بس من كرم ربنا علينا اننا بننسي مهما كان الحد ده ساب علامة وأثر فينا وفي حياتنا
لازم حييجي يوم وننسي لان الحياة مبتقفش واللي يقف فينا بيضيع مع اللي
ضاعوا في الكآبة والحزن والبكا ع الأطلال
المهم ده كلام ناتج عن تجربة عتاب ما بعد الفراق وبجد كلام صادق اتمني يعجبكم
اصعب كلمة في حياتنا..... كانت كلمة وداع
واتبدلت حياتنا ..... غيرها الاندفاع
ومشينا في الطريق ..... بندور ع الصديق
بنحن لبعض لكن ..... حنينا ملهش داعي
والشوق عمال بيكبر ..... وكبريائنا أكبر
بنلف في دايرة فاضية ..... ملهاش نقطة نهاية
وابتدت حكاية ..... وانتهت حكاية
وخلصت الرواية ..... وانتهي الخداع
ضيعنا سنين جميلة ..... دي سنين حب وغرام
ضيعناهم في ليلة ..... وكأن مفيش غرام
ومكنش الذنب ذنبي ..... ما هو ذنبك انت برضه
موضوع: أصعب كلمة وداع 
الأحد أغسطس 22, 2010 1:27 pm
