فلسطيني ممنوع تعيش

فلسطيني ممنوع تعيش
حكولك اسكت متحكيش
انت خلقت للتلطيش
للحواجز للمصايب للتفتيش
كتبو اعلى جبينك ينداس
من الضابط حتى الشاويش
فلسطيني وممنوع تثور
ومش مسموح تكون منصور
اياك بيوم تطالب بحقك
اوعى بيوم تشوف النورممنوع تجدد هويه
ممنوع تجدد بسبور
فلسطيني وبدك تتعلم!!!!
هاي شغلة ضد الدستور
فلسطيني ولازم تتألم من غير ما يشوفك دكتور
فلسطيني وممنوع تتظلم ولا يطلع بجناحك ريش
فلسطيني ممنوع تعيش
فلسطيني وين فيه سفريات
اسمك بالاحمر مكتوب
وعلى شباك مصلحة الجوزات كتبوا على جبينك مطلوب
لازم توقف ساعات مذنب او من غير ذنوب
ويتوجهلك اتهامات انك سبب كل الحرووووب
قال بسببك الحق مات والعدل بوطنك مسلوب
وكأنك سبب كل النكسات وكل ازمات الشعوب
وكأنو بسببك محتل فات على الاقصى في لحظة الغروب
وذبح صبيان وبنات وعجاز على امرى مغلوب
فلسطيني ممنوع تعيش
هذه دنيا بس للخفافيش
بدك تشوف عنا هموم
تابع كل شي عنا قبل النوم
مذيع معصب وكلو هموم
خبر عاجل يا اهل الله هدموا بيوت برام الله
حكامنا قاموا اسم الله!!!!!!
يتصلو ببوش يقوم بسيفو يحمي المظلوم
حكامنا اتصلوا بكوفي عنان
قالولوه يا خينا الاسلام انهان
ان كانلك فوتي على الامريكان
الك منا كم خزان
حكامنا اتصلو بجاك شيراك
قالولوه يا خينا ما النا سواك
ان كانلك فوتي على توني بلير
بلكن تقنعو يقنع بابا
بلكن بابا بيقنع موسكو
بلكن موسكو بتقنع بوش
بلكن بوش بيقنع اولمرت
وتردو الاقصى لصحابوا وتحموا الشعب الغلبان
خبر عاجل يا اهل الله
حكامنا العوض على الله
وحدتنا يا ناس اصبحت فضائيات
الف دش فوق روسنا ظاوي
شو يفيد البث الحي لشعب مات
وبألف تلفزيون شو يساوي
قضيتنا اصبحت عرب سات
ونشيد الوطن اتحول غناوي
واذا مش عاجبك هالمحطه حول على النايل سات
حتى تسمع للسيد مكاوي
اصل الوطن تحول محطات
وصارت كرامتنا فتاوي يا وطن مسجون جوى الشاشات
عم تبكي وصوتك بالفضا ضاوي
اهلك من النيل حتى الفرات مثلك مساجين بس القهاوي
فيا خوفي من الحجه الجاي
تكونالحجه صعبه
وبحجة مكافحة الارهاب
يحطوا حارس على الكعبه
ويسيرو يصفونا صفوف ونوخذ اذن حتى نطوف
ويحققوا مع كل خروف رايح ينذبح ضحيه
وبوش يصدر قانون ممضي من البنتاغون
الي بيرجم ابليس الملعون بيكون ضد النازيه
ونسير نطلع على عرفات واحد واحد مش دفعات
ونوخذ ليستا بالدعوات من البيت الابيض ممضيه
وبوش يقدم احتجاج يطالب بضحية الحجاج
تكون ثمن للبراج الي وقعت بالصيفيه
يا شقاقي بلغ عياش
امتنا في مبنى الانعاش
تحياتي لكم
شبيه الريح

عاشت فلسطين

عاشت فلسطين

عاشت فلسطين



[ندعوك للتسجيل في المنتدى أو التعريف بنفسك لمعاينة هذه الصورة]

أل شبيه ألريح

انا الي بالدنيا ضحيه عملتوني ماده للغنى
و قضية للي ما عندو قضيه انا الي راسي ما إنحنى
بوجه الريح القويه انا الي شعبي صمد
في الضفه و بالرشيديه انا الي شعبي انتفض
و بحجر حارب دوريه و اليوم و بكره و للابد
عنا كلمه وحده هي فلسطين عربية
ورح تبقى عربية ورح ترجع عربية

[ندعوك للتسجيل في المنتدى أو التعريف بنفسك لمعاينة هذا الرابط]



لك تحيات أمل ألحياة