نصائح وافكار للمحجبات2009

[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم

موضوع عجبنى حبيت أنقله لحواء منتدانا

نصائح وأفكار مبتكرة للمحجبات من مصممة لفات الطرح وخبيرة التجميل
ريهام جهاد

دايما بنحاول تقديم الجديد والمفيد فى نفس الوقت لكل البنات وبما أن كثير من قارئات عرب ليديز من المحجبات فكان من المهم أن نقدم لهن مفاجأة خاصة عنوانها الأساسي التجديد والابتكار وعشان كده ضيفتنا خبيرة التجميل ومصممة لفات الطرح ريهام جهاد...

ريهام هي من أجمل مفاجآت بص وطل لأن عندها تشكيلة مميزة جدا من تصميمات ولفات الطرح وكلها تتميز بالبساطة وكمان سهلة والجديد في ريهام إنها بارعة جدا في المزج بين ألوان لا يمكن أن نتوقع أنها ممكن تمشي مع بعضها...

..

عايزين نعرف منك واحدة واحدة كده لو بنت متحجبة جديد إيه ألوان الطرح اللي لازم تكون عندها بشكل أساسي؟

مبدئيا اللون الأبيض والأبيض السكري الOff white والبني المحروق لأن الألوان دي هتدخل في ألوان كتير.

وإيه الربطة اللي تربطها بحيث ماتكرهش الحجاب؟

مبدئيا تحاول على قد ما تقدر تلبس ألوان فاتحة لأن الغامق بيغمق البشرة وبيدي سن أكبر ومش مبهج في كل الأحوال.. وأصلا الموضة دلوقتي الألوان الفاتحة لأننا داخلين على الربيع والصيف.

زي إيه؟!

زي الروز اللي مدي على فوشيا والOff white- القريب من الأصفر والبستاج الهادي والأخضر الفاتح أما الربطة فتحاول على حسب وشها تختار الربطة المناسبة.

طيب لو وجهها طويل؟

الربطة العادية مناسبة.. علشان تبرز الخدود تجيب الطرحة بعد الودان على طول ونربطها من الأمام بحيث الخدود تكون بارزة وده هيقلل أو هيحد من طول الوجه.

والربطه العادية كويسة قوي.. كمان للناس اللي عندهم لغد... تعتبر أنسب ربطة..

والوجه المدور..؟!!

كل حاجة بتمشي مع الوجه المدور لكن المدور قوي من تحت فمش مستحب الSpanish لأنها بتملاه أكثر.

لو واحدة جبهتها عريضة تعالج ده ازاي؟

هنا بنحاول إن الربطة ماتكونش صغيرة يعني نحاول ندي الوش حجم بحيث يتم الحد من عرض الجبهة.

هل البشرة ممكن تتدخل في اختيار الطرحة؟

لو البشرة تعبانة بنحاول نختار ألوان قوية ده بيعمل زي خداع بصري...

نيجي لأهم حاجة وهي اختيار الألوان... ازاي يا ريهام نختار الألوان.. لو واحدة شقراء وعينيها ملونة إيه أفضل الألوان؟!

نصيحتي تبعد عن لون عينيها يعني بلاش أزرق أو أخضر ممكن تختار ال Hot colorsالألوان الساخنة درجات الأحمر- البرتقالي الأصفر عشان الطرحة تظهر جمالها وممكن لو حابّة تحط إكسسوار يكون لون عينيها...

- ولو واحدة بيضاء وعينيها بني أو عسلي؟

تعلم Mix بين الHot colors الأحمر والأصفر والبرتقالي طبعا بدرجاتهم حسب لبسها وبين ال cool colorsالأزرق والسماوي والأخضر والبيج يعني تمزج بين الألوان الفاتحة والغامقة.. على فكرة المزج بيدي شكل جميل جدا للوجه وبيبرز جماله أكتر.

ولو خمرية وعينيها ملونة!!!!

يبقى حلو جدا عليها الHot colors -أحمر وأصفر وبرتقالي- وتكون أحلى مع الأحمر..

والخمرية وعينيها بني أو عسلي؟

تختار الHot colors أحمر وأصفر وبرتقالي... وتبعد عن الأزرق أو اللبني ولو عايزة تعمل Mix بين الHot Coolيكون الCool أكثر يعني مثلا لو عايزة تلبس بيج في تركواز يكون التركواز أكثر. لأن التركواز لون بارد.

وبالنسبة للاقمشة يا ريهام؟ على أساس إيه بتختاري الأقمشه؟

في الشتاء بحب الكتان التقيل اللي داخل فيه فتلة صوف سميكة والأقمشة التخينة عموما والربطات تكون طبقات عشان تدفي وعشان كمان اللبس في الشتا بيكون طبقات عشان كده ماينفعش الربطة تكون صغيرة لازم تاخد Volume –حجم- زي اللبس.

وفي الصيف؟

الكتان هيبقى موضة قوي الصيف ده والحاجات اللي على قطن شوية بس مش كلها يعني جزء منها يكون قطن وده لأن دايما القطن ألوانه بهتانة.

وفيه خامة اسمها فوال وهي قطن سويسري معالج ضد الانكماش..

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» نصائح منزلية مفيدة جدا
» نصائح عامة
» نصائح رائعة أتبعها....
» نصائح التغذية للرياضيين ؟؟!
» نصائح صحية للرجال ..